مسلوق X مسلوق
لما تكون عيان، دايما ينصحوك تأكل مسلوق؛ لأنه خفيف على المعدة، و"السلق" هو إنك تحط كل الحاجات على بعض (اللحمة أو الفراخ والملح والفلفل) في مية وتسخنهم مع بعض لغاية ما يوصلوا لدرجة الغليان، فتأخد المية من اللحوم دسامتها، وتأخد اللحمة من المية الطراوة.
طيب لما المسلوق حلو وسهل كدة، ليه الناس مبتحبهوش ومتضايقة منه؟ يمكن عشان المسلوق بيفكرهم بالمرض وإحنا طبعا شعب مجروح ومريض - زي ما قال عصام شرف - ولا لأن طعمه بيبقى مايع، وكمان المسلوق مرتبط دايما بالسرعة أو التسرع أو زي ما بيقول سواقين الميكروباص والتوك توك: "الإنجاز على البوتجاز" ولا ننسى أن نقول لهم: "إنكم جميعا في قلوبنا".
يعني فيها إيه لما نسلق "الدستور" مثلا؟ لأنه أصلا حاجة معقدة، فنخلصه ونخلص معاه من المرحلة دي، ولما تسأل: طيب والمستقبل؟ والأساس اللي المفروض البلد تتبني عليه؟ يقولك: ما أنت طول عمرك كنت عايش وأنت مش عارف إيه هو الدستور أصلا؟
فعلا شعبنا مكانش بيعرف الدستور إلا لما يدخل على حد غريب فيقول: "دستووور" ولما سمعنا إنه اتعدل سنة 2007 ولكن ده مش مبرر عشان نسلقه.
والدستور طول عمره كان عامل زي اللحمة؛ بنسمع عنه في المواسم، ومحدش عارفه ولاعارف طعمه إلا "الطباخين" بتوعه، وهما مكانوش طباخين أوي؛ ولكنهم كانوا طباخين بدرجة "ترزية" بيعرفوا "يقيفوه" كويس حسب هواهم، فليه دلوقتي عايزين نسلمه لترزية جداد يسلقوه؟ والترزية الجداد حتى مطلعوش طباخين، طلعوا جزارين.
لكن إيه رأيكم كدة في دستور مشوي على نار هادية وريحته مفحفحة؟ مش أحسن؟
ولكن أنا شايف إن إحنا كمان بنكره المسلوق؛ عشان إحنا مسلوقين في كل حاجة وبما فيه الكفاية، مسلوقين في الصراعات السياسية وحلالها وحرامها، فالسياسة كانت حرام وبقت حلال وبعد كدة أصبح فيها تحليل وتحريم بفتاوي مختلفة، وأصبح المختلف في الرأي السياسي هو الكافر .
وعشان إحنا مسلوقين بقينا منزوعين الدسم مش عارفين أصلا هويتنا وكل يوم يتبرع حد ويعرفنا عليها ويلبسها ثوب مختلف عن اللي احنا عارفينه عن نفسنا وعادة بيكون نفس الثوب اللي بيلبسه.
ده على مستوى المواطن اللي عايز يفكر وبيحاول يفكر، ولكن المواطن الداير في الساقية فبيتسلق كل يوم؛ مسلوق في الطريق لغاية ما يروح الشغل، وبيتسلق في طابور العيش، وبيتسلق في الشغل لغاية ما يقبض أول الشهر، وبيتسلق في غلاء الأسعار كل يوم، ولو فكر يسافر مبيتسلقش في القطر، ولكنه بيتشوي أو يتفرم.
كفاية سلق بقى، نفسنا نشوف الشوي أو حتى نشم ريحته.
رابط موقع "اليوم السابع":
http://www1.youm7.com/News.asp?NewsID=852687&SecID=190
طيب لما المسلوق حلو وسهل كدة، ليه الناس مبتحبهوش ومتضايقة منه؟ يمكن عشان المسلوق بيفكرهم بالمرض وإحنا طبعا شعب مجروح ومريض - زي ما قال عصام شرف - ولا لأن طعمه بيبقى مايع، وكمان المسلوق مرتبط دايما بالسرعة أو التسرع أو زي ما بيقول سواقين الميكروباص والتوك توك: "الإنجاز على البوتجاز" ولا ننسى أن نقول لهم: "إنكم جميعا في قلوبنا".
يعني فيها إيه لما نسلق "الدستور" مثلا؟ لأنه أصلا حاجة معقدة، فنخلصه ونخلص معاه من المرحلة دي، ولما تسأل: طيب والمستقبل؟ والأساس اللي المفروض البلد تتبني عليه؟ يقولك: ما أنت طول عمرك كنت عايش وأنت مش عارف إيه هو الدستور أصلا؟
فعلا شعبنا مكانش بيعرف الدستور إلا لما يدخل على حد غريب فيقول: "دستووور" ولما سمعنا إنه اتعدل سنة 2007 ولكن ده مش مبرر عشان نسلقه.
والدستور طول عمره كان عامل زي اللحمة؛ بنسمع عنه في المواسم، ومحدش عارفه ولاعارف طعمه إلا "الطباخين" بتوعه، وهما مكانوش طباخين أوي؛ ولكنهم كانوا طباخين بدرجة "ترزية" بيعرفوا "يقيفوه" كويس حسب هواهم، فليه دلوقتي عايزين نسلمه لترزية جداد يسلقوه؟ والترزية الجداد حتى مطلعوش طباخين، طلعوا جزارين.
لكن إيه رأيكم كدة في دستور مشوي على نار هادية وريحته مفحفحة؟ مش أحسن؟
ولكن أنا شايف إن إحنا كمان بنكره المسلوق؛ عشان إحنا مسلوقين في كل حاجة وبما فيه الكفاية، مسلوقين في الصراعات السياسية وحلالها وحرامها، فالسياسة كانت حرام وبقت حلال وبعد كدة أصبح فيها تحليل وتحريم بفتاوي مختلفة، وأصبح المختلف في الرأي السياسي هو الكافر .
وعشان إحنا مسلوقين بقينا منزوعين الدسم مش عارفين أصلا هويتنا وكل يوم يتبرع حد ويعرفنا عليها ويلبسها ثوب مختلف عن اللي احنا عارفينه عن نفسنا وعادة بيكون نفس الثوب اللي بيلبسه.
ده على مستوى المواطن اللي عايز يفكر وبيحاول يفكر، ولكن المواطن الداير في الساقية فبيتسلق كل يوم؛ مسلوق في الطريق لغاية ما يروح الشغل، وبيتسلق في طابور العيش، وبيتسلق في الشغل لغاية ما يقبض أول الشهر، وبيتسلق في غلاء الأسعار كل يوم، ولو فكر يسافر مبيتسلقش في القطر، ولكنه بيتشوي أو يتفرم.
كفاية سلق بقى، نفسنا نشوف الشوي أو حتى نشم ريحته.
رابط موقع "اليوم السابع":
http://www1.youm7.com/News.asp?NewsID=852687&SecID=190
